Palestinian Authority PM-in banna theh lut

Palestinian Authority prime minister Mohammed Shtayyeh chuan Thawhṭanni khan a kaihhruai sorkar inhnuhdawhna lehkha a theh lut a, President Mahmoud Abbas chuan US duhdan angin ramchhung inrelbawlna kalphung thara thlak thei tur midang a ruat thuai beisei a ni.

US hian indo a zawh hnuah, Gaza chu Palestinian Authority kuta awm turin a duh a, mahse, Gaza Strip hi Palestinian pawl, Hamas rorelna hnuaia awm a nih avangin, US duhdan ang hi tihpuitlin erawh a harsat hle a rinawm.

Prime Minister Shtayyeh banna theh luh hi President Abbas chuan a pawm dawn leh dawn loh a la sawi chiang lo.

Palestinian Authority hi kum 30 vel liam ta, interim Oslo Peace Accords hnuaiah din a ni. Mahse sorkar hi a chak tawk lo a, kum 2007-a Hamas lamin Gaza-a thuneihna an chhuh hnuah, West Benk lamah pawh a thuneihna hi a lekkawh thei a ni. Palestinian-ho zingah ngei pawh Hamas sorkar aiin an tla na lo zawk a, mahse, international community-in Palestinian sorkar a pawm chhun a ni thung.