California-a ram kang vangin mi tam tak sawn chhuak
US-a California state hmar lam, state khawpui Sacramento bulah ram a kang leh a, kangmei chhuak hian a man kai chak em avangin Nilaini khan mi tam tak hmun him lamah sawn chhuah an ni.
Ram kang thlenna hmun hi Sacramento bul, Vacaville a ni a, he khuaah hian mi nuai khat vel an cheng. Kangmei chhuak hian in leh structure dang eng emaw zat a kang chhe tawh a ni. California state-ah hian kum tin ram kang nasa tak a thleng ṭhin a, kuminah pawh ṭum tam tak a lo thleng tawh a ni. Kumina ram kangin a kan chiat hi ram acre 50,000 dawna zau a tling tawh. Fire official-te chuan ram kang hi an ṭhelh mit thei tawh tih an sawi a, hemi rual hian structure 1,000 vel chu chhe mai thei dinhmunah an awm. Governor Gavin Newsom chuan state of emergency a puang nghal bawk.