Argentina President hlui thubuai siamsak

Argentina President hlui Cristina Fernandez de Kirchner-i chu sum chheprelhah puhin thubuai siamsak a ni .

Prosecutor Guillermo Marijuan chuan kar kalta Inrinni khan President hlui hi thubuai siamsak a nih thu a puang. Sumdawng mi, Leonardo Farina chuan Kirchiner leh a president laia sorkar mi pawimawh dangten sum an chheprelh dan hi a lo sawi lang tawh a ni.

Hemi hma hian Kirchner-i hi thuneitute chuan thu an zawtfiah tawh a, a president term tawp lama central bank-a sum khawih chet dan chungchang an zawt. President hlui bakah a minister hlui, Julio De Vido pawh thubuai siamsak a ni bawk.

Chhiah awlruk vanga jail-a tang mek, Farina hi federal judge Sebastion Casanello chuan darkar 10 chuang zet thu a zawt a, a ni hian Critina-i leh a pasal thi tawh (President hlui Nestor Kirchner) ten dik lo taka an ram sum chheprelhna tura ruahmanna an siam dante a hrilh nia sawi a ni.