NKorea-in long range missile enchhin leh

North Korea chuan kar kalta Inrinni khan hlawhtling takin intercontinental ballistic rocket engine thar a enchhin leh niin a sawi a, hemi hmang hian US pawh an kap pha thei tawh dawn niin a tarlang bawk.

NKorea thuchhuah hi a dik a nih chuan kumi chhunga atomic test a neih ṭum li-na a ni. Mahse nuclear missile hmanga US ram laili lai kap pha tur chuan hna thawh tur tam tak a la nei dawn nia sawi a ni. South Korea official-te chuan North Korea hian nuclear ala nei lo niin an sawi thung.

Hetihlai hian North chuan US leh SKorea chu nuclear ralthuam hmanga beihah a vau a, US leh South Korea sipaiten nunchan an zirho mek a duh loh lantir nan leh chhan letna atan tuipuiah short-range missile leh artillery pawh alo kap tawh bawk.

NKorea hian tunhnaiah a nuclear ralthuam leh ballistic missile program hmanga vauna a tichhuak fo a, mahse SKorea official leh mithiam ṭhenkhat chuan ralthuam a nei anga a insawi hi an ringhlel hle.