Brazil President banna tur ngaihtuah remti

Brazil President Dilma Rousseff chu kum 2014 inthlanpui neih dawna a chak theihna atana budget law bawhchhiaa puh a nih chung≠changah President a nihna atanga bantir a nih theihna tur chu ngaihtuah a ni dawn ta.

Congress lower house com≠mitte chuan Pre≠si≠dent chung≠chang hi ngaih≠≠≠tuahin, bantir a nih theih≠na tura hmalak chu mem≠ber 38 in an thlawp a, member 27 in an dodal thung. Pathianni hian lower house member-ten vote an la ve leh ang a, hmun thuma ṭhena hmun hnihin President ban tir hi an remtih chuan, Se≠nate ngaihtuah turin an thawn dawn a ni.

Upper house, Senate hian President Rousseff bantirna tura simple majority hmanga a lo thlawp a nih chuan thla ruk chhung atan President hi suspend nghal a ni ang a, hemi chhung hian a awm zel dan tur chu Senate hian a ngaihtuah ang. President suspend a nih rual hian Vice President Michel Temer chu acting president anga lakluh nghal a ni bawk ang.

President Rousseff-i hi ban a nih chuan kum 1992-a khatih laia Presidnt, Fernando Collor de Mello ban tir tuma ngaihtuah a nih hnua President ban hmasa ber a ni ang. Fernando hi eiruknaa inhnamhnawiha puh vanga mipuiten bang tura nasa taka an nawr hnuah, lower house chuan ban a nih theihna tura a chungthu ngaihtuah hi a remti a, mahse Senate in thutlukna a siam hmain amahin banna a thehlut ta zawk a ni.

Rousseff-i chief of staff, Jaques Warner chuan committee thutlukna siam chuan president rilru a ti na hle tih a sawi. President hian thil tih dik loh engmah a neih loh thu a sawi fo a, ban an tumna chu mipuiten an aiawh tura president atana an thlanchhuah paihthlak tumna a ni, a ti.

Brazil sorkar hi eirukna lian tham takah a hmingchhiat bakah, an ram sum dinhmun a chhe hle a, Rousseff-in ṭangrual sorkar a siam thlawptu zinga party lian ber, Vice President Temer-a party, PMDB chuan sorkar an thlawpna hi an hnukdawk tawh a ni.

Thawhṭanni khan Vice President Temer-an President Roussefff-i ban a nih a, president atana lakluh a nih huna a thusawi lo a zir lawkna audio message chu a putru. He message hi Temer hian PMDP party member
ṭhenkhatte hnenah WhatsApp messenger hmangin a thawn a, a darh ta a ni. He thil hian president nena an inkar boruak pawh a tichhe zual hle.