Mithiamten rinlawk aiin Zika Virus a hlauhawm tih an sawi
US public health official-te chuan Zika virus chu an lo rin dan aiin a hlauhawm zawk niin an sawi.
US Centers for Disease Control and Prevention-a Dr Anna Aschuchat chuan he virus hian nau piangah an rin aia nasain nghawng ṭha lo a thlen thei nia an hriat thu a sawi. Hei bakah hian he virus kengtu thosi chu an rin aia tam US state hrang hrangah an lut thei dawn niin a sawi bawk.
Brazil ramah chuan kum khat liamtaah khan Zika virus hi a leng tawh a, nuin a nau pai laia he hri a vei chuan a fa chu pianphung pangngai aia lu te leh thluak lam hnathawh thleng tibuai theia ngaih a ni.
Dr Anna Schuchat chuan he virus chungchang hi an hriatbelh zel atangin an a hmaa an lo rin dan aiin a lo hlauhawm hle dawn tih a sawi. Kumin kumtir lam khan US President Barack Obama chuan Congress hnenah Zika virus leng mek do letna atan dollar tluklehdingawn 1.8 pe turin a lo ngen tawh a ni.