Kyrgyzstan Prime Minister a bang

Kyrgyzstan Prime Minister Temir Sariyev chu eirua puh a nih avangin PM a nihna aṭangin Thawhṭanni khan a bang.

Parliament member-te chuan PM Sariyev hian road construction project thawhnaah sum tham tam tak a mimal hlawkna atana a la niin an puh. PM chuan an puhna chu thu dik lo niin a sawi a, mahse member-te rorel thei loa harsatna an siam avangin, sorkar ngelnghet a din theihna atan a bang ta niin a sawi.

President Almazbek Atanbayev chuan PM banna hi a pawmsak nghal a ni.

Kum 1991-a independent, Kyrgyzstan-ah Sariyev hi Prime Minister 28-na a ni a, he dinhmun hi kum khat pawh a chelh tling hman lo a ni.