Pfizer vaccine dawngtu paliten Bell's palsy nei
United Kingdom-in a pawm tawh, Pfizer/ BioNTech Covid-19 chu mipuiah sem chhuah ṭan a ni tawh a, hetihlai hian he vaccine hi a him tawk em tih zawhna a awm mek.
US Food and Drug Administration (FDA) chuan vaccine enchhina neiha volunteer palite chuan jection an dawn hnu hian facial paralysis, Bell's palsy an nei niin a sawi. Bell's palsy neite chu an hmai thahrui chak lo/che thei loin a awm a, hei vang hian an hmai lehlam chu uaiin a khauh vek ṭhin.
Volunteer paliten Bell's palsy an neih chhan tak hi hriatchian a ni lo tih FDA chuan a tarlang nghal tho a, doctor-te hnenah vaccine-in side-effect a neih theih dante chiang taka zir turin a ngen.
UK-ah Pfizer vaccine hi Thawhlehni aṭang khan pekchhuah ṭan a ni a, mahse Nilaini khan UK regulator Medicines and Healthcare products Regulatory Agency (MHRA) chuan he vaccine hi allergy nei nasa te hnenah pe rih loh turin a ti leh a ni.