Vawiinah Pakistan President thlang dawn

Vawiin hian Pakistan President thar thlan a ni dawn a, ṭangrual sorkarin Asif Ali Zardari an thlawp avangin Zardari hi President thar a nih ngei rin a ni.

Prime minister Shehbaz Sharif chuan Zardari chu an ram president thar a ni dawn tih sawiin, thawhhona ṭha tak an nei tih a sawi. PM hian a official residence-ah ṭangrual sorkara an thawhpui hrang hrang aiawhte zanriah kilpuiin, he hunah hian Zardari thlawp an remti tlang a ni.

Zardari hi Pakistan People's Party (PPP) co-chairman niin, kum 2008 - 2013 khan Pakistan President a lo ni tawh bawk. A fapa, PPP chairman Bilawal Bhutto Zardari pawhin a pa hi President a nih chuan an ram sorkar thuam chak leh, an ramin harsatna a tawh mek sukiang tura hma an lakna kawngah mi pawimawh leh ṭangkai tak a ni ngei ang tih a sawi.