SKorea-in doctor nuarte aiawh turin sipai leh public doctor dah

South Korea-a trainee doctor 12,000 dawnte chuan government reform plan duh loa nawrh an huaihawt avangin, heng doctor-te thawhna hospital 100 chuangah damlote enkawlna lama pui turin sorkar chuan sipai leh public doctor-te a dah.

Health minister Cho Kyoo-hoo chuan kar li chhung chu doctor nuarte avanga thawktu indaih lohna hospital-ah sipai doctor leh public health physician-te hi dah an ni dawn tih a sawi.

Trainee doctor-te'n February 20 aṭanga nawrh an huaihawt avangin, hospital tam tak chuan damlo admit tur an hnar a ngai a, operation tihtur pawh an ṭhulh bawk a ni. Doctor-te hian sorkarin medical school-a seat tam zawk hawn a tum chu an duh lo a ni.