Paul Ryan-an President chuh tumna titawp

US President thlan tura Republican party candidate chuhtu zinga mi, US House Speaker Paul Ryan chuan candidate chuh a tumna hi a titawp ta tih a puang.

Republican party candidate chuhtu zingah Donald Trump chuan a hma ala hruai zel a, mahse party nominee ni tura delegate mamawh zat, 1,237 chu a nei pha lo mai thei nia sawi a ni. July thlaa party convention neih hunah party president nominee tlin phak an awm lo a nih chuan, candidate pathum Donald Trump, John Kasich leh Ted Cruz-te chu an inel a ngai ang.