UN General Assembly ṭan

United Nations General Assembly, ni thum awh tur chu Thawhlehni khan New York-a UN headquarters-ah ṭan a ni. Assembly chhung hian UN Secretary-general thar chuh tum mi pariatte enchhinna neih a ni.

UN Secretary-General chuhtu zingah Montenegro hruaitu, Igor Luksic chuan thu sawi hmasa berin a che ṭha hle . Kum 39 mi Luksic hian English leh French in nal takin a hmathlir neih hrang hrangte a sawilan bakah, UN official language eng emaw zatin lawm thu a sawi bawk. Hemi hnu hian General Assembly palaite zawhna hrang hrang a chhang nghal a ni. Luksic hi Montenegro deputy prime minister leh foreign minister ni lai a ni a, candidate zingah a naupang ber a ni.

Luksic dawtah hian candidate dang - UN cultural agency UNESCO director-general Irina Bokova leh UN High Commissioner for Refugees hlui Antonio Guterres-te chuan thu sawiin zawhna an chhang ve nghal bawk. Anni bakah hian candidate dangte chu Slovenia President hlui Danilo Turk, Croatia Foreign Minister hlui Vesna Pusic, Moldova Minister of Foreign Affairs hlui Natalia Gherman, European integration and administrator of UN Development Program Helen Clark leh Macedonia Prime Minister hlui Srgjan Kerim-te an ni .

UN General Assembly President Mogens Lykketoft chuan General Assembly aiawh leh candidate-te inkawmna hun siam chu thil ṭha tak a nih thu a sawi a, UN hotu thlan chungchang pawh langtlang zawka kalpui theih a beisei thu a sawi.

UN Charter chuan UN Secretary-general chu Security Council rawtna siam angin General Assembly thlan tur≠in a ti a ni. Security Council-a member 15 leh permament member panga-te chuan candidate zinga pakhat hi thlang chhuakin, General Assembly pawmpui tur hian an thawn dawn a ni.