China rama lungalhthei khur chimah mi 12 an thi

China ramah Thawhṭanni zan khan lungalhthei khur pahnihah chhiatna a thleng a, thawktu mi 12 an thi.

State broadcaster CCTV-in a tarlan danin, Thawhṭanni zanlai hma lawk khan Zhongyang County, Shanxi province-a lungalhthei khur chimah mi panga thiin,chin hriat lohin pahnih an awm. He khur hi Taoyuan Xinlong Coal Industry Co Ltd. ta a ni a, chhanchhuah hna thawh mek a ni.

Thawhṭanni zan vek khan Anhui province-a Huahe Energy lungalhthei khurah gas a puak bawk a, ruang pasarih hmuh tawh niin, mi pahnih chu an chin hriat lohin an la awm mek a ni.

China ramah hian lungalhthei khurah chhiatna a thleng fo a, hei vang hian nikum khan himna chungchanga dan hman mekte siam ṭhat a lo nih phah tawh a ni. Thla hmasa pawh khan central China-a Pingdinshan-a lungalhthei khur chimah mi 10 an lo thi tawh bawk.