Rafah-a chengte sawn chhuah tum

Israel chuan a ruahman lawk angin, Gaza Strip chhim lama Rafah khuaah beihpui thlak ngei a la tum. Mahse beihpui thlak hmain, he khuaa cheng Palestinian mite chu Gaza hmun laili lama 'humanitarian island' siamah sawn chhuah an tum tih a sawi.

Israel sipai thupuangtu, Rear Admiral, Daniel Hagari chuan 'humanitarian island'-ah hian chenna tur, ei leh in tur leh an mamawh dangte pawh dah a ni dawn tih a sawi. Eng hunah nge sawn chhuah an nih dawn tih leh, sipaite'n beihpui an thlak hun tur pawh a sawi lang lo.

Ram hrang hrangte'n Israel-in Rafah-a beihpui thlak a tumna chu ngaihtuah ṭha leh turin ngen fo mah se, Israel prime minister Benjamin Netanyahu chuan Hamas firfiakte nuai chimit tur chuan Rafah an beih a, an hneh ngei hi a ngai tih a sawi a ni.