Nagorno-Karabakh region-ah inkahhai puang turin ngen

Azerbaijan leh Armenia ramte Nagorno-Karabakh region inchuha an inbeihna chu titawp a, inkahhai puang turin Russia foreign minister Sergei Lavrov, France foreign minister Jean-Yves Le Drian leh US Secretary of state Mike Pompeo-ten an ngen. 

Lavrov, Le Drian leh Pompeo-te Organiza­tion for Security and Cooperation in Europe (OSCE) Minsk Group Co-Chair an nih angin thuchhuah inṭawm siamin, Nagorno-Karabakh bial leh a pawn lama  ram pahnihte inbeihna thleng chu an dem thu an sawi. 

Nagorno-Karabakh inchuha ram pahnihte inkara buaina hi hun rei tak aṭanga inṭan tawh a ni a, tuna an buaina tak hi chu kum 1988 aṭanga an neih leh a ni. Kum 1994 aṭang khan inremna kawng zawngin inbiakna neiin inkahhai te pawh an puang a, mahse an inremna siam hi an bawhchhe dun fo a ni.