US President Obama'n Saudi Arabia tlawh dawn

US President Barack Obama chuan counter-terrorism leh ballistic missile defence system chungchanga inremna siam dan tur sawipui turin kar leh hian Saudi Arabia a tlawh dawn. Saudi Arabia hruaitu bakah Gulf ram dang hruaitute pawh a kawm ang.

White House official chuan President Obama hi a defence chief Ashton Carter-an a zui dawn a, Nilaini hian Saudi Arabia lal King Salman a kawm ang a, Ningani hian Gulf Cooperation Council hruaitute a kawm leh dawn niin a tarlang.

Obama chuan Gulf ram hruaitute hi Islamic State (IS) firfiak chung≠chang te, Saudi Arabia kaihhruaia Arab ṭangrual ramten Yemen helho laka beihpui an thlak dan te, Iran chungchang leh thil pawimawh dangte a sawipui dawn a ni. President Obama hian King Salman leh hruaitu dang≠te henen aṭangin oil man tlakhniamin economy-a nghawng a neih dante sawipui a tum bawk.

Saudi Arabia aṭangin Obama hian London lam a pan ang a, Britain Prime Minister David Cameron a hmu ang. Hemi hnu hian Germany Chancellor Angela Merkel hmu turin Hanover a pan leh dawn a ni.