London-ah inrenchemna policy duh loin kawng zawh

United Kingdom (UK) sorkarin inrenchemna policy kalpuina tura social welfare leh public institution tana sum dah tihtlem tumna chu duh loin, kar kalta Inrinni khan London khawpuiah mi tam takin kang an zawh.

Kawngzawhte hian UK sokrar chu health service, housing, education leh public sector pay-ah sum tam zawk dah turin an phut a ni. Hei bakah hian harsatna tawk mek, British steed industry-te himna tur ngaihtuahsak turin an phut bawk.

Pungkhawm zinga ṭhenkhat chuan Prime Minister David Cameron chu rampawn lamah a pa din fund-ah share a lo nei ve tih puanzar a nih avangin PM a nihna aṭanga bang turin an phut. A share neih dan chu dan kalh ni lo mah se, Britain ram hruaitu a nih angin mipui lakah inhawng tak leh a thil neihte langtlanga kalpui tura an phut thu an sawi.

PM Cameron chuan rampawn lama share a neih chu PM a nih hma, kum 2010 khan a hralh tawh tih sawiin, a pain chhiah awlruk a tum vanga ram pawn lama fund a din nia an puhna chu thu diklo a nih thu a sawi bawk.

Ruahsur hnuaiah kawngzawhah hian trade union hruaitu leh eptu hruaituten thu an sawi. Eptu pawl Labour Party chuan thuneihna an chan chuan inrenchemna policy chu tihtawp an tum thu an sawi.