Pope-in raltlan 12 hruai haw

Roman Catholic kohhran hotu, Pope Francis chuan Greece rama Lesbos thliarkar aṭangin Syrian raltlan 12 chu Vatican-ah a hruai haw.

Pope in a hruai hawte hi chhungkaw thum an ni a, naupang paruk an tel. An vai hian Muslim an ni a, Syrian War laiin an chenna in bomb chhiatsak an ni.

European Union leh Turkey-in Turkey aṭanga Greece rama raltlan lut tam lutuk tihziaawmna tura thla hmasaa inremna an siam avangin Lesbos thliarkarah hian raltlan tam tak an tangkhang mek a ni.

Vatican chuan thuchhuah siamin, Pope in raltlan a hruai hawte hi EU-Turkey inremna siam hmaa Lesbos-a lo awm tawh an ni tih a sawi. Ral≠tlan 12-te hi mi tam tak zing
aṭangin thlan chhuah an ni a, midangte chhawmdawl hna thawktu Sant'Egidio-in a enkawl zui dawna ni.

Pope-in raltlan a hruai haw zinga chhungkaw pakhat hi engineer nupa, Hasan leh Nour leh an fapa kum hnih mi an ni a, Damascus khuaa cheng ṭhin niin, an chenna hmun bomb chhiatsak an nih hnuah Turkey-ah tlanchhiain, heta ṭang hian Lesbos hi an pan a ni. Chhungkaw pahnih te hi nupa, kum 50 chuang ve ve tawh leh an fate pathum an ni a, February thla khan Turkey aṭangin Lesbos hi an thleng a ni. Damascus khaw dai, Zamalka-acheng ṭhin nupa leh an fate pathum pawh an tel bawk.