Tuipui kama lung late Rs. nuai 2 thleng chawitir theih

Spain chhim lam, Canary Islands-a Lanzarote leh Fuerteventura tlawhtu khualzinte chu tuipui kama lung leh ṭiau vut te la lo tura hriattir an ni a, lo la lui chu pound 2,563 (Rs 2,69,879) thleng chawitir theih an ni.

Heng hmun tlawhtu khualzinte sourvenir atana lung leh ṭiau vut an lakte hi pawi tham lo anga a lan laiin, thliarkar ecosystem a nghawng zel a ni. Thuneitute chuan Lanzarote tuipui kam hian kum tin volcanic material hi ton eng emaw zat a hloh a, Fuerteventura-in a hmingthanpui, 'Popcorn Beach' pawhin thla tin tuipui kam leite chu kiam zel tih an sawi.

Canary Islands hian khualzin a hip hle a, a mi cheng hi mi maktaduai khat pawh an tlin loh laiin, nikum khan tlawhtu khualzin hi hi maktaduai 5 chuang an nei a ni. Hei vang hian an ram leilung humhalh turin hma an la chho a ni. Canary Island-ah hian thliarkar lian pasarih - Tenerife, Gran Canaria, Lanzarote, Fuerteventura, La Palma, La Gomera, leh El Hierro an awm.