China leh Russia-in Gaza chungchanga US resolution an dansak

Gaza Strip-a inkahhai puan a nih theihna atana US-in United Nations Security Council (UNSC)-a draft resolution a put lut chu China leh Russia chuan an veto power hmangin an lo dang.

China chuan US resolution chu a fiah tawk lo a, inkahhai puang nghal tura phutna lam chiang takin a sawi lo a, inkahhai puanna tura ruahmannate a siam chauh a, hei hian Gaza-a inthahna thleng zel danna tur a sawi tel lo a ni, a ti.

UN-a China permanent representative, Zhang Jun chuan inkahhai puan nghal chu nunna chhanhimna leh, chhawmdawlna pek luh leh buaina pun lun zel tur venna atana tihtur awm chhun a ni, a ti. US draft chu kawng hrang hrangin a rualkhai lo hle a ni tiin, Israel-in Rafah-a beihpui thlak a tumna dodalna lam pawh a tel lo niin a sawi.