Brussels-ah anti-terror march huaihawt

Belgium khawpui, Brussels-ah Pathianni khan firfiaka chetna leh inhuatna duh lohna lan≠tirna kawngzawh huai≠hawt a ni a, mi 7,000 vel an tel.

March 22 khan firfiakten Brussels airport leh metro station beiin thihchilh bomb an tipuak a, mi 32 in a thih phah a ni.

Pathianni-a kawngzawh tur hi venhimna lam venthawn thilah thuneitute chuan huaihawt lo turin an ngen a, mahse an kaltlangpui ta tho a ni. Mahse kawngzawh huaihawttute tel tura an beisei zahve vel chauh an tel a ni. Kawngzawh≠naah hian firfiakte pawi≠khawihna thlenga thi chhungte pawh an tel a, mitthite hriatrengna hun an hmang bawk.

Islamic State (IS) firfiak pawl chuan Brus≠sels khawpui beitute an nih thu an sawi. Bel≠gium police-te chuan pawi≠khawihnaa inhnam≠hnawiha puh mi eng emaw zat an man tawh a ni.