Ecuador-a lirnghing vanga thi 272 tling tawh

Ecuadodr rama magnitude 7.9-a naa kar kalta Inrinni zana lirnghing vanga thi chu mi 272 an tling tawh a, mi 1,500 chuangin hliam an tuar.

Lirnghinna hi an ram hmarthlang lam, tuipui kamah a ni a, chhan≠chhuah leh chhawmdawl hna thawk turin sipai 10,000 leh polie 3,500 tirh an ni. Ecuador Pre≠si≠dent Rafael Correa pawh≠in an rama chhiatna thleng vang hian Italy-a zin pawh a cham hun a pawh≠ tawi phah bawk.

President chuan lir≠nghing vang hian emergency a puang nghal a, an ngaih pawimawh hmasak ber tur chu in chimin a delh, nungdama awmte chhanchhuah a nih thu a sawi. President Correa chuan, "Thildang chu siamṭhat leh vek theih a ni a, nunna erawh chu a lakkir theih lo" tiin, chhan≠chhuah hna chu chak taka kalpui a nih tur thu a sawi.

Vice President Jorge Glas chuan lirnghing tuar nasa zinga mi, Manta khua a tlawh a, in chimin a delhte chhanchhuah hna thawhna atan chuan khawl lian an hman ngam loh avangin hmun ṭhenkhat≠ah chuan in chim leh lei minte chu kut lawnga thenfai a nih thu a sawi.

Lirnghing tuarte tan ei tur leh an mamawh dangte pawh thawn luh nghal a ni a, ramdang aṭanga ṭanpuina pawh a lut ṭan tawh a, Mexico leh Venezuela-ten chhawm≠dawlna tur an thawn lut tawh a ni. Colombia chuan uifing leh chhan≠chhuah hna thawktute a tir lut dawn tih a sawi a, an Navy-ten lirnghinna bialah hian tui thianghlim an pe dawn tih a sawi bawk.

Inrinni-a Ecuador rama lirnghing hi kum 1979 hnua an tawrh nat ber ṭum a ni a, afterschock ṭum 130 chuang a thleng bawk.