MH370 them nia hriat enfiah dawn

Malaysia Airlines thlawhtheihna, Flight MH370 them nia hriat, Mozambique rama chhar chu Australia Transport Safety Bureau-in a endik dawn a, a endik hnuah tunkar chhung hian Malaysia ramah thawn let leh a ni ang.

MH370 hi kum 2014, March 8 khan Kuala Lumpur aṭanga Beijing pana a thlawh laiin a chin hriat lohin a bo a, ram hrang hrangten zawng mah se tun thlengin a awmna chin hriat a la ni lo. He thlawhtheihnaah hian mi 290 an chuang a ni.

ATSB thupuangtu chuan Mozambique rama an thil chhar hi kar hmasa khan Australia ramah lak thlen a ni tih sawiin, an thil chhar zingah hian Rolls Royce logo awmna pawh a tel a, hei hi enginge bawm a mi nia rin a ni.

Mozambique rama an thil chhar pahnihte hi ATSB leh Malaysia investigator-te chuan uluk takin an endik mek a, kum 2014-a bo Boeing 777 a ni thei em tih an enfiah mek a ni.