Jerusalem bus-a bomb puakah mi 21 hliam

Jerusalem chhim lamah Thawhṭanni tlai khan bus-ah bomb a puak a, mi 21 in hliam an tuar.

Israel police chuan bomb hi bus hnunglama kam niin an sawi a, bomb puak vanga hliam tuar zinga a tam zawk hi bus-a chuang an ni a, a puah laia an bula car tlana chuangte pawh an hliam tel a ni. Bomb puah hnu hian car pakhat leh bus pahnih a kang zui a ni.

Hadassah Medcial Center emergency department hotu chuan hliam tuarte hi bomb puaka metal leh thil hriam dang lengin a fuhte niin a sawi.

Police thupuangtu chuan investigator-ten bomb kamtute hi ngawrh takin an chhui nghal tih a sawi. Hliam tuar na zual pahnih zinga pakhat chu rinhlelh zingah a tel.

Palestinian helpawl, Hamas chuan Thawhṭanni-a bus-a bomb tihpuah a ni chu lawm≠awm an tih thu sawiin, Israel pawikhawihna chhan letna dik tak a ni, an ti. Hamas hian kum 2000 kumtir lam khan Jerusalem-ah hian bus-ah vawi eng emaw zat bomb an lo tipuak tawh a ni.

Thla ruk kalta chhung khan Palesti≠nian leh Israeli Arab-te beihna avangin Israel mi 29 an thi tawh a, hemi chhung vek hian Palestinian mi 200 vel thah an ni bawk. Israel chuan Palestinian mi tihhlum zinga a tam zawk chu Israel mite chunga pawikhawihtute an ni tih a sawi.