Australia PM-in inthlan neih hma a duh

Australia Prime Minister Malcolm Turnbull chuan an ram inthlanpui chu neih hma a duh thu sawiin, July 2-ah inthlan buatsaih a tum thu a sawi.

Nimina press conference a neihah, Turnbull chuan May 3-a budget pharh a nih hnuah, governor general hnenah parliament ṭhiat tura a ngen tur thu a sawi.

Thawhṭanni khan parliament upper house, Senate chuan sorkar bill siam chu a vawi hnihna atana hnawlsak leh a ni. Australia ram danpui hnuaiah sorkar legislation chu upper house-in ṭum hnih a hnawlsak chuan sorkarin inthlan ṭhat hi buatsaih thei a ni.

Turnbull chuan, House pahnihte an inlung≠rual thei loh chuan, parliament in hnih chu ṭhiah a, inthlan buatsaih mai chu mipuiten an aw an chhuah theihna tur hun a ni, a ti. 'Inthlanah hian kan chak ngei ka ring a, kan chak chuan Australian Building and Con≠struction Commission (ABCC) chu law-ah siam a ni ang" a ti.