Ukraine-in Russia military air base a bei

Morozovsk, Russia-a awm, military air base chu Ukraine sipai leh SBU ṭangkawp chuan an bei tih nimin khan Kyiv aṭanga thudawnna pakhat chuan an sawi. Air base beihnaah hian Russia indo thlawhtheihna paruk an tichhia nia tarlan a ni.

Morozovsk hi Rostov huam chhunga awm niin Russian tactical bomber-te'n Ukraine kahna atan an hmang ṭangkai hle a ni. Russia lam hian Ukraine-in an air base a beih thu hi an la sawi lang lo a, mahse, Russia defence ministry chuan an air defence system-in Ukrainian drone 53, Morozovsky district-ah an kah thlak thu an puang. Ukriane beihna hian power sub-station chauh a tichhia niin Rostov Governor Vasily Golubev chuan a sawi. Hemi hnu hian drone dang pakua Kursk, Belgorod, Krasnodar leh Saratov region-ahte an kah thlak thu defence ministry chuan an tarlang leh bawk.

Ukraine-in tunhnai hian drone hmanga Russia beih a tharthawh leh a, Russian oil refineries chu an bitum tam ber a ni. Heng beihna hmang hian Russia-in oil sumdawnna hmanga a sum lak luh ṭhin tihtlem a tum a ni.