New York-ah Trump leh Clinton chak

US President thlanna neih tura inbuatsaihna kal zelah, New York primary election-ah Republican candidate zingah Donald Trump a chak a, Democratatic candidate zingah Hillary Clinton a chak. Trump leh Clinton-i te hi an party candidate zingah hmahruaitu an la ni chhunzawm zel a ni.

Republican candidate zingah Trump hian delegate 756 a nei tawh a, amah hnaih bertu Ted Cruz chuan delegate 559 neiin, John Kasich-an 144 a nei. July thlaa party convention neih hunah an party nominee ni tur chuan delegate 1,237 an neih phak a ngai a ni.

Democrats lamah Clinton chuan delegate 1,758 nei tawhin, Senator Bernie Sanders chuan 1,076 a nei. Democrats party nomination ni pha tur chuan delegate 2,383 an neih neih phak a ngai thung a ni.

Donald Trump chuan Republican president candidate chuh tuma an inbeihnaah a khingpuite tan umphak rual a ni tawh lo niin a insawi a, inthlan neihna tur a tam tawh lo a ni, a ti