UK-in Mozambique ṭan-pui sum pek titawp dawn

United Kingdom sorkar chuan Mozambique ram tana ṭanpuina sum a pek ṭhin chu Mozambique hian leiba a neih chungchangah thu dik tawk lo a hrilh avangin a titawp rih dawn tih a sawi. Hemi hma hian International Monetary Fund (IMF) leh World Bank pawhin Mozambique ṭanpuina an pek hi an lo titawp tawh bawk.

Mozambique hian leiba, dollar tluklehdingawn khat chuang zet a neih chu a puangzar duh lo a, hei hi hriatchhuah a nih hnuin IMF chuan a sum pek ṭhin hi a titawp a ni. Kar kalta khan Mozambique Prime Minister Carlos Agostinho do Rosario chu Washington DC-a IMF headquarters-ah hian kalin, an rim dinhmunte a hrilhfiah a ni.

Mozambique sorkar chuan sor≠kar hnuai a mi, Pro-Indicus-in dollar maktaduai 622 loan a lakna leh, Mozambique Asset Management-in dollar maktaduai 535 loan a laknaah guarantor-ah a ṭang tih a sawi. Mahse loan lak pahnih chungchang hi a lo sawilang duh lo a ni.