Vanuatu-ah magnitude 7.0-a nain lir a nghing

Pacific ram, Vanuatu-ah nimin zing khan magnitude 7.0-a nain lir a nghing a, tsunami warning tihchhuah ni mah se, darkar hnih hnuah cancel lehnghal a ni.

United States Geological Survey chuan lirnghing hi Vanuatu ram khawpui, Port Vila aṭang km 209 vela hla, leihnuai km 35-a thuk aṭanga inṭan niin a sawi. Lirnghing hian chhiatna lian tham a thlen lo nia hriat a ni.

Lirnghinna hian tuifawn, meter thum zeta sang a thlen thei nia sawiin, mipuite inralring tura hriattirna tihchhuah a ni a, mahse thil hlauhthawnawm a awm dawn lo nia sawiin warning hi cancel leh nghal a ni.

Vanuatu hi 'Ring of Fire' zinga mi niin, tectonic activity zone-a awm a ni a, lirnghing leh tlang kang a thleng fo a ni. Tun thla chhung pawhin ṭum eng emaw zat lir a nghing tawh a, Espiritu Santo thliarkar≠ah magnitude 6.9-a nain a nghing tawh bawk a ni. Mahse lirnghing hian chhiatna thlen a nei lo.