Africa ram hruaituten elephant summit hmang dawn

Africa ram hrang hrang hruaitute chu Kenya ramah Giants Club elephant summit an hmang dawn.

Summit-ah hian ram hruaitute bakah conservation group-te pawh an tel ang, Africa khawmuala sai awmte an mang mai lohna atana humhalh leh venhim dan kawngte an ngaihtuah ho dawn a ni. Summit-a tel tur zingah hian Uganda President Yoweri Museveni leh Gabon president Ali Bongo-te pawh an tel.

Mithiamte chuan Africa rama sai-te hi kum za kalta chhung khan 90% zetin an kiam tawhniin an sawi a, humhalh an nih loh chuan kum reiloteah an mang thei mai dawn a ni, an ti.

Summit zawh hunah Kenya sorkar chuan sapeltute kut aṭanga saingho an man sak, ton 105 zet chu a halral dawn a ni. Hengte hi sai 6,700 chuang aṭanga an lak a ni. Kenya rama saingho man khawm hi khawvel puma saingho awm zat aṭanga 5% a tling pha a, a hlut zawng hi dollar maktaduai 100 chuanga tling.

Africa ramahhian sai 450,000 - 500,000 vel an awm a, mahse an ngho duh vang hian kum tin 30,000 chuangte thah an ni ṭhin.