NKorea-in missile kapchhuak

South Korea chuan kar kalta Inrinni khan North Korea-in a ram khawchhak lam tuipui-ah tuihnuailawng aṭangin missile a kapchhuak leh niin a sawi.

SKorea Joint Chiefs of Staff office chuan missile hi zan dar 6.0-ah kahchhuah niin a tarlang a, km 30 vel a thlawh hnuah tuipuiah a tla nia sawi a ni. NKorea chuan missile chu hlawhtling taka kahchhuah a nih thu a sawi.

US Strategic Command pawhin NKorea submarine missile kahchhuah hi an hriat thu sawiin, North America tan a hlauhawm pha lo tih a sawi. State Department thupuangtu John Kirby chuan NKorea thiltih chu UN Security Council resolution palzutna dik tak a ni, a ti. France chuan NKorea missile kah≠chhuah hi a dik ngei tih finfiah a nih chuan an ram hrek belhna siam turin European Union a ngen.

NKorea hian nikum khan submarine-based missile hi a vawikhatna atan a lo enchhin tawh a, beisei anga siam a nih chuan US tan pawh hlauhawm pha tura ngaih a ni. Mahse a hnua an enchhinaah an beisei ang a pha lo nia hriat a ni a, mahse state media-te erawh chuan a hlawhtling niin an sawi.