Obama'n Syria-ah khawmual sipai tirh duh lo

US President Barack Obama chuan Syria ramah US khawmual sipai tirh a duh lo tih a sawi.

President Obama chuan sipai chakna hmang ringawtin Syria tual≠chhung buaina chu chin≠fel theih a ni lo tih a sawi. "US emaw Britain emaw tan khawmual sipai tirh luh a, Syria President Bashar al-Assad-a kaihhruai sorkar paihthlak sak ngawt chu thil dik a ni lo", a ti.

Obama chuan President hna thla kua a la chelh theih chhungin Islamic State (IS) firfiakt chu an tukdawl hman a beisei lo tih a sawi a, hemirual hian firfiakte pawng zel tur erawh chu an dang thei tih a sawi.

Ni thum chama UK-a zin, Obama chuan Syria tualchhung buaina thleng mek chinfel chu thil khirh tak a nih tur thu a sawi a, "Awlsam taka chinfel theih dan kawng a awm ka ring lo" a ti. Obama chuan ram ṭhenkhat, Syria tualchhung buaina thleng meka inrawlh duh si lo a, an buaina chinfel sak tura US phut tlat si te chu a dem thu a sawi bawk.

IS laka US kaihhruaia ṭangrual ramten beihpui an thlak chu chhunzawm zel anih tur thu a sawi rualin, chumi ringawt chu Syria buaina chinfel theihna tur a ni lo tih a sawi a, thil dang tam tak buaipui ngai a awm a ni, a ti.

Kum nga chhunga Syria ram tualchhung buaina thleng vang hian mi 250,000 chuang an thi tawh a, mi maktaduai tel chu himna zawngin ram dangah an tlanchhe tawh bawk.