Pem lut tam vangin New Zealand-in visa rules khauh zawk siam

New Zealand sorkar chuan Australia leh Canada hnung zuiin, an rama pem lut tam zel venna atan visa rules khauh zawk a siam a, an rama hna thawh tumte tan pawh dan khauh zawk a siam bawk.

Mi maktaduai 5.1 vel chenna, New Zealand-ah hian ram dang aṭanga pem lut an pung chak hle a, nikum chhung khan pem lut hi mi nuai 1.73 vel zet an awm. Covid hripui a len hnuah pem lut hi an pung chak zual a, sorkar tan pawh ngaimawh tham an tling tawh a ni.

Ram dang aṭanga hnathawk tura luh tumte tan pawh dan siam ṭhain, English ṭawng thiam chu low skilled job diltute tan thiam a ngai dawn a, hei bakah a zawna an awm rei theih hun chhung, kum nga tih ṭhin chu kum thumah a tihniam bawk.