South Korea inthlanpuiah eptu pawl an chak

South Korea-a Nilainia Parliament inthlanpui neihah eptu pawl, liberal, Democratic Party (DPK) leh a thawhpuite chuan rorel lai, conservative, People Power Party (PPP) an hneh. Eptu lam hian seat 300 awmna National Assembly-a seat 192-ah hnehna an chang an ni.

Rorel lai, People Power Party (PPP) chu an chak zawh loh avangin party leader, Han Dong-hoon chuan an chak loh chu a pawm thu sawiin party hruaitu a nihna aṭangin a bang nghal a, prime minister Han Duck-soo pawhin banna a theh lut bawk.

DPK leader, Lee Jae-myung chuan hnehna an chan chu an party tana hnehna ni loin, South Korea mipuite tana hnehna a nih thu a sawi. An ramin economy lama harsatna a tawh mek sukiang turin, politician-te chu an ṭanho a ngai tih a sawi a, an ram dinhmun siam ṭha turin DPK chuan hma a hruai dawn a ni, a ti.