IS-in kum hnih chhungin mi 4,000 chuang ti hlum

UK-based Syrian Observatory for Human Rights (SOHR) chuan Islamic State (IS) firfiak pawl chuan kum hnih chhungin mi 4,000 chuang an tihlum hman nia sawiin, United Nations hnenah firfiakten Syria mite laka pawikhawihna rapthlak tak an thlen zel tur titawp turin a ngen.

SOHR hian kum 2014, June thla aṭanga IS-ten an mi mante zinga lu an tansak te, an kahhlum te, lunga an den hlumte, an hal hlumte leh kawng danga an tihhlumte an chhinchhiah a ni. IS hian Syria leh Iraq-a an ram lak chhunga an lal ram an din hnuah thla 22 chhungin mi 4,144 an tihlum tawh niin an tarlang.

Firfiakten an tihhlum zinga a tam zawkhi civil mi an ni a, civil mi an tihhlum hi mi 2,230 vel nia chut a ni, Sunni leh Kurdish mite chu an tihhlum zinga a tam ber an ni. Hmeichhia leh naupang pawh eng emaw zat an tihlum tel bawk. UN Security Nations chu nasa zawka IS-ten Syria mite chunga pawikhawina an thlen ṭhin dang leh titawp tura hma la turin SOHR chuan a ngen tih an pawl thupuangtu chuan a sawi.