Iran leh SKorea-in inremna ziak

Iran leh South Korea chuan energy sector lama thawhdunna tur, memorandum of understan≠ding (MoU) an ziak.

He inremna hi National Iran Gas Exports Company leh Korean Gas Corporation ten Pathianni khan an ziak a ni. He inremna hnuaiah hian Iran chuan South Korea-ah liquefied natural gas a pechhuak ang a, ram pahnihte hi gas industry lamah an thawkdun bawk ang.

South Korea President Park Geun-hye-in Tehran a thlen hnuah he inremna hi an ziak a ni.

Park-i hian Iran-a a cham chhungin ram pahnihten inzawmna leh thawhdunna ṭha zawk siam dan kawng a zawng dawn a, ni thum chamin a cham chhung hian Iran President Hassan Rouhani leh Iran official dangte pawh a kawm ang.

Ram pahnihre hian energy leh telecommunication lama thawhdunna tur inremna thuthlung eng emaw zat an ziak dawn bawk a ni.