CIA hotuin IS hruaitu dahbo a tiam

Pathianni khan US spy hotu John Brennan chu kawm niin, Islamic State (IS) firifak pawl hotu dahbo a tiam.

NBC TV network-in a kawmnaah, Central Intelligence Agency (CIA) hotu Brennan chuan IS chu tihchhiat an la ni ngei dawn tih a rin thu leh, an pawl hotu Abu Bak al-Baghdadi pawh dahbo a ni ngei dawn a ni, a ti. IS hotu ber hi thah a nih chuan an pawlah chuan nghawng a neih len hle a rin thu a sawi bawk.

May 2, 2011 khan al-Qaida hotu chu US special force-ten Pakistan-ah an lo kaphlum tawh a ni. Thah a nih champha vawi nga-na thlen hma ni chiah, Pathianni khan CIA hotu hi firfiak pawl chungchanga hian kawm a ni.

Brennan chuan, "Al-Qaida hmun tam zawk chu kan tihchhiat sak tawh a, mahse nuai chimit an la ni lo. Chuvangin kan thil tih theih angte kan la ti zel dawn a ni" a ti. Firfiakte beihletna kawngah Europe-a an thurualpui ramte nen an thawkho zel tih a sawi bawk.