'Hells Angels' docuseries tichhuak

Khawvela biker club hlauhawm ber nia sawi, Hells Angels docuseries, 'Secrets of the Hells Angles' chu US-ah Pathianni zan khan tihchhuah a ni.

He docuseries hi episode riat thleng a awm dawn a, episode khat hi darkar khat dawn awh zel a ni. Pathianni zan apiangin pek chhuah ṭhin a ni ang. Episode tinah hian Cleveland Hells Angels division hi motorcycle club aṭanga murder club-a a inleh chhoh dan te, ruihhlo an khawih dan leh, an pawikhawihna thlen dante, an hmelma biker dangte nena an inbeih chhoh dan te tarlan a ni dawn a, hei bakah Rolling Stones frontman Mick Jaggar thah tuma an phiar dante pawh pholan a ni ang. Chapter president hlui panga - PeeWee Goldsmith, Thomas Eriksen, Pat Matter, Matt Zanoskar leh George Christie-te interview bakah law enforcement officer, undercover agent, Hells Angels club kut tuar tawhte interview pawh dah tel a ni bawk.