EU-in Turkey tan visa tel loa zin phalna pe dawn

European Commission chuan Schegen bial chhung≠ah Turkey tan visa ngai kher loa zin phalna a pe dawn.

Turkey tana visa free travel pekna tur hi EU leh Turkey-in Greece rama raltlan lutte Turkey rama lakkir an nih lehna tura inremna an siam tak peng pakhat a ni. Mahse hei hi tihfel a la ni lo a, European Parliament leh member ramten an pawm ve leh phawt a ngai dawn a ni. EU chuan visa tel lo chuan Turkey hian raltlante a thunun theih loh a hlauhthawn thu a sawi.

Raltlan tam tak, Turkey aṭanga Europe ram hrang hrang pantute chuan EU state-ah harsatna lian tak an thlen mek a ni. EU executive body, European Commission hian visa free travel pek rawtna hi vawiin hian thehluh a tum a, mahse EU ramte chuan phalna pek a nih hma hian Turkey-in a zawm tur phut an nei thung. Chung zingah chuan hnam tlemte dikna chanvo humhalhsak te, zalen taka thu sawi phalna pekte a tel a ni.

Hetihlai hian Thawh-
ṭanni khan Turkey Parliament-ah member-te chu ram danpui siamṭhat tum chungchangah member-te nasa takin an intibuai. Sorkar chuan parliament member-ten thubuai siamsak theih loh tura humhalhna siam chu tihtawp a duh a, hei hi committee chuan a ngaihtuah a ni. Hetihlai hian eptu lam chuan he thil hi sorkar sawiseltute beihna remchanga hman tumna nia an ngaih thu sawiin, an dodal thung.