Saudi company-in hnathawktu 77,000 ban

Saudi Arabia-a construction company, Saudi Binladin chuan an company-a ramdang mi hnathawk 77,000 te a ban a, Saudi mi hnathawk pawh 12,000 vel ban a tum bawk nia sawi a ni.

Binladin hian foreign worker 77,000 te chu Saudi Arabia an chhuahsan theihna turin an visa pawh a pechhuak tawh. Supervisory, administrative, engineering leh management lama Saudi mi hnathawkte pawh sing chuang zet ban a tum bawk.

Saudi contruction company-te hian an industry-in a mamawh dan azirin ramdang mi hnathawka an chhawrte hi an banin an lakbelh fo a, mahse Saudi mi hnathawkte erawh chu an ban khat hle thung.

Saudi Arabia leh Middle East-a firm lian ber zinga mi, Binladin hian hnathawktu nuai hnih vel a nei. An firm hian nikum September thlaa a hnathawhna hmun, Mecca-a Grand Moque an saknaah vut thli nasa tak tlehin an khawl lian titlu a, mi 107 zetin an thih phah hnu khan contract thar a ziah belh tawh lo a, hei bakah oil man tlahniam avangin sorkarin a sum hman chhuah tur pawh nasa takin a tihniam a, hei vang hian hnathawktu pawh tihtlem a ngai ta a ni. Binladin chuan hnathawktu inban ngai ṭhin chu thil hrehawm tak a ni tih sawiin, ban takte pawh zangnadawmna pek vek a tum thu a sawi.

Company hian a sum dinhmun a tarlang duh lo a, mahse Gulf banking industry pahnih chuan ramchhung leh international bank-ah dollar tlukleh≠dingawn 30 vel zet leiba a nei niin an sawi.