Nuclear bomb vangin US in ngaihdam dil a ba lo : White House

US President Barack Obama chuan kum 1945-a US-in Japan rama Hiro-shima khuaa nuclear bomb a thlak avang khan US chuan ngaihdam dil a ba kher lo niin a ngai.

Hemi chungchang hi White House thupuangtu, Josh Earnest chuan press conference a neihah a sawichhuak. Earnest chuan May thla tawp lama President Obama'n Group of Seven, G7 summit hmanga Japan a kal hunah Hiroshima khua a hi a tlawh dawn leh dawn loh a la tichiang lo tih a sawi bawk.

April thla khan US Secetary of State John Kerry chuan G7 foreign minister dangte rualin Hiroshima bomb a nih hriatrengna, Hiroshima Peace Memorial Park a lo tlawh tawh a ni. Kerry hi US secretary of state zinga Hiroshima khua tlawh hmasa ber a ni.

US hian kum 1945, August 6 khan Hiroshima khuaah nuclear bomb a thlak a, ni thum hnuah Nagasaki khua a bomb leh bawk.

Hei hi khawvela indona thleng tawha nuclear ralthuam hman awmchhuna ala ni a, Indopui II-naa Japan tlawmna chhan nia ngaih a ni bawk.