Laos-ah Mynmar President a zin

Myanmar President thar, U Htin Kyaw chu nimin khan ni khat cham turin Laos-ah a zin a, April 1-a a kaihhruai sorkar thar lakluh a nih hnua ram pawn lama a zinchhuahna hmasa ber a ni.

U Htin Kyaw hi Laos President Bounn-hang Vorachitch-an a sawm anga zin a ni a, State Counselor leh Foreign Ministr Aung Su Suu Kyi leh a nupui, First Lady Daw Su Su Lwin-ten an ṭawiawm.

Laos President hlui, Choummaly Sayasone chuan kum 2013 December thla khan Myanmar a lo tlawh tawh a, Myanmar rama democracy tundin a nih theih nan leh an ram dinhmun sawhnghehna kawngah theihtawpa an puih tur thu a sawi a ni. Ram pahnihte inkar boruak pawh hi a ṭha chho hle a, nikum May thla khan Mekong River-ah ram pahnihte inkalpawh theihna tur lei an lo dawh dun tawh a ni.

He lei hi Myanmar-a Shan state khawchhak lam, Tachileik leh Laos-a Luang Namtha Province inkarah dawh a ni a, ram pahnih president-te hian an lo hawng dun tawh a ni.

Ram pahnihte hian ramri km 230-a thui an inṭawm a, kum1995 July thla aṭang khan palai an intir tawn bawk. Mahse an insumdawn tawnna lam hi ala hniam a, hei hi tihlen dan kawng zawn an tum a ni.