NKorea-in party Congress buatsaih

North Korea-a rorellai, Workers' Party chuan kum 36 chhunga a vawi khatna atan inkhawmpui lian, Congress chu an ram khawpui Pyongyang-ah an nei.

Congress-a tel tur hian ramchhung hmun hrang hrang aṭangin palai atana thlan bikten Pyongyang an pankhawm. He Congress hi NKorea hotu lu, Kim Jong-un-an a lalna a tinghehna hmanrua atana a buatsaih nia sawi a ni.

Workers' Party Congress neih hnuhnun ber chu kum 1980 ah ani a, Kim Jong-un pawh a la piang lo a ni. He Congress hi Kim-a fap, Kim Jong Il-an a pa, NKorea founding leader Kim Il-Sung lak aṭanga thuneihna a lakchhawnna puala buatsaih a ni. Kum 2011 December thlaa thi ta, Kim Jong II hian thuneihna a chan hnuah party congress hi a buatsaih chhunzawm ta lo a ni.

Congress hi nimin zing khan April 25 palace chhungah ṭan a ni a, khawmpui neih chhung hian Kim hian North Korea chu nuclear state-ah a puan rin a ni a, hei bakah hian nuclear hmanrua leh econonic lama hmasawnna tur policy-te a puanchhuah rin a ni bawk. NKorea hian tun hnaiah nuclear ralthuam a enchhin fo a, Kim hian a lalna nemnghetna atan test nei leh tura a nawr leh rin a ni.

NKorea sorkar chuan party Cong-ress-a tel tur hian foreign media-te pawh a sawm a, mahse journalist-te chevel erawh chu uluk takin a thlithlai reng thung. Congress hi eng chen nge neih tur sawichian a ni lo a, mahse ni li emaw ni nga emaw an neih rin a ni.