Uganda-in inthlan chungchangah nawrh huaihawt puanzar khap

Uganda sorkar chuan President atana Yower Museveni thlan nawn a nih chungchanga ep-tuten nawrh an huai-hawt chu media lama puanzar a khap.

Kumin February thla khan President thlanna hi neih a ni a, inthlan result-ah eptute lungawi loin police-te nen an la tinbuai reng a ni. Eptu pawl, Forum for Democratic Change (FDC) chuan kum 30 zet ro rel tawh, kum 71 mi Museveni thlan tlin a nih dan chu a dik tawk lo tiin an sawi.

Eptu lam hian hun rei tak lungawi lohna an lantir tawh a, kar hmasa khan court chuan inthlan result chungchanga eptute sawiselna chu a lo hnawlsak tawh a ni.

Sorkar chuan thu-chhuah siamin, eptu pawl-te nawrh huaihawt lo tichhuaktu media orga-nisation chu an licence hlih-sak an ni dawn tih sawi-in, social media lamah tihchhuah a khap bawk.

Museveni hi a term nga-an turin May 12 hian Uganda President atan lakluh a ni ang.