China-in apps 105 khap

China sorkar chuan mipat hmeichhiat lam kaihhnawih, gambling leh tharum thawhna lam awmna mobile application 105 chu khapin, app store aṭangin a paih. 

Apps khap zinga a tam ber hi China siam tho a ni a, mahse a khap zingah hian US travel app TripAdvisor a tel thung. Khap zinga TripAdvisor telh a nih chhan hi sawichian a ni lo a, hemi chungchangah hian China lam thuneitute zawhchian ni mah se an la sawifiah lo. 

Cyber-space chungchangah US leh China inkar boruak hi a ṭha lo chho hle. Kumin nipui laia US President Donald Trump-a'n Chinese app, TikTok khap a nih tur thu a puan khan China chuan na takin a sawisel a, China company-te thlavang hauh leh an himna turin hma a la zui ve dawn tih a sawi a ni.