Khawvela airport lûn ber Hartsfield-Jackson International Airport

Airports Council International (ACI) chuan kum 2023 chhunga khawvela thlawhtheihna ṭum hmun lûn dan indawt tichhuakin Atlanta, US-a awm, Hartsfield-Jackson International Airport chu ṭumhmun lûn bera thlan a ni. India aṭangin Indira Gandhi International Airport, Delhi chu a sang zual 10 zingah a lang bawk.

ACI-in an chhût danin nikum chhung khan khawvela ṭumhmun lûn ber, Hartsfield-Jackson International Airport hmangtu hi mi mtd 104.65 a nih thu tarlan a ni. Pahnihnaah chu Dubai International Airport niin nikum chhung khan khualzin mtd. 87-in an hmang nia chhût a ni a, he ṭumhmun hian tunhnaiah ruah sur nasa avangin harsatna a tawk mek a ni. Dallas-Fort Worth International Airport chu pathumnaah awmin khualzin mtd. 81.75-in nikum chhung khan an hmang nia tarlan a ni.