Russia tana enthlatu nia hriat pahnih Germany-ah man

Germany leh Russia khua leh tui nihna nei nia sawi mipa pahnih chu Russia tana enthlatua nia rinhlelh avangin Germany-a Bavari-ah man an ni. Heng mi pahnihte hi Germany military-in Ukraine-in chhawmdawlna a pek tur lo dan tuma puh an ni.

Russia tana enthlatu nia hriat mi pahnihte hi Dieter S leh Alexander J te niin, Dieter S hi pawikhawihna chi hrang hrangah inhnawmhnawihna a nei tawh nia hriat a ni a, Alexander J hi Dieter S puitu nia sawi a ni thung. Anni pahnih hian Germany-a an hmun beih turte enthla leh US sipaite hmunhma pawh enthla nia hriat an ni a, Russia nena inbepawpin, bomb tihpuah leh buaina siamte chu an tum ber niin an tarlang.

Germany hi Ukraine tana sipai chhawmdawlna pe nasa ber dawttu a ni a, hei vang hian Russia pawh hian Germany-in Ukraine a puihna chhut chah tum hian a bei nia hriat a ni. Dieter S hian nikum October thla aṭang khan bomb tihpuah leh Germany sipaite beih tum hian ruahmanna a siam tawh a, beih a tumna hmunhmate pawh lo enthla fo tawhin, thlalak leh video eng emaw zat Russia hnenah a thawn tawh a ni.