Israel-in Dec 20 aṭangin vaccine pe ṭan dawn

Israel chuan December 20 aṭangin mipuite hnenah  Covid-19 vaccine a pe ṭan dawn niin health ministry official chuan a sawi. 

Health ministry-a director-general Hezi Levi chuan sorkar hnuaia health service clinic  hrang hrangte chu December 20 aṭanga vaccine pe chhuak tura inbuatsaih turin a hriattir. Mipui nawlpui hnena vaccine pek a nih hma hian hospital-te chuan an staff-te chu vaccine hi an pe hmasa dawn nia sawi a ni bawk. 

Levi chuan vaccine dawng hmasa tur chu  ministry-in a buaipui mek a, ni hnih thum hnuah tihfel a ni ang, tiin Thawhlehni khan a sawi. Vaccine an pek tur hi Pfizer vaccine a ni a, thla liam ta khan Israel hian he vaccine dose maktaduai 8 hi a lo lei tawh a, tunkar chhungin heng zinga dose eng emaw zat chu thawn luh a ni dawn a ni.