Brussels-ah Boris Johnson a zin

Britain prime minister Boris Johnson chuan post-Brexit deal chung changa inbiakna chhunzawm turin nimin khan Brussel-ah a zin a, European Commission president Ursula von der Leyen nen an inbe leh dawn a ni. 

EU aṭanga Britain a chhuah hnuah, transition perion hi kumin December 31 hian a tawp tawh dawn a, hemi hma ngei hian UK-EU insumdawn tawnna chungchanga inremna siam hman tumin inbiakna hi an nei mek a ni. 

UK leh EU aiawhte hian trade deal siam tum hian ṭum eng emaw zat inbiakna neih tawh mah se, thil pawimawh pathum - fishing rights, competition rules leh inremna siam takte kenkawh dan tur chungchangah an thu a inhmu thei lo a, inremna hi an siam thei lo a ni. 

December 31 hmaa inremna hi an siam thei lo a nih chuan, UK leh EU ram inkarah bungrua phurhte chu ramri-ah enfiah zel an nih bakah chhiah pawh an chawi a ngai tawh ang.