Japan Navy helicopter pahnih insu

Zan lama flight training nei nia hriat, Japanese navy helicopter pahnih chu Inrinni zan khan Tokyo chhim lamah chesualin an insu. Chetsualnaah hian mi pakhat a thi a, mi pasarih chu chin hriat lohin an awm a ni.

Defence ministry hian navy helicopter pahnih hi SH-60K a nih thu leh helicopter-ah hian mi pali ve ve an chuang tih a tarlang. Defence minister, Minoru Kihara chuan helicopter chetsualna hmun hi Torishima thliarkar bul niin a sawi a, hei hi Japan khawpui, Tokyo aṭanga km 600-a hlaa awm a ni. Helicopter-te hi biakpawh theih loha an awm hnuah chhanchhuah hna thawktute chuan an zawng nghal a, helicopter thla leh a them dang ni ngeia hriatte bakah, data recorder-te chu Torishima thliarkar bulah hian an chhar a ni.